| { حـﮕـاية عشٍـٍق ●• مٍكتـٍُوبًهـِ و ًصًٍٍٍرٌنـِآ للٍُهْـوًىِ عًِنـٍوآنّ ~ | |
|
|
كاتب الموضوع | رسالة |
---|
ولـد راكـ
المدير العام
تاريخ التسجيل : 22/02/2008 2507 العمر : 30 الإقامة : بعد الصلاة الجنس : الجنسية : المزاج :
| |
| |
آلـ{جْ}ـآإْسِيْ..~ْ}
قمر فعال
تاريخ التسجيل : 24/02/2008 2488 العمر : 30 الإقامة : مــــنـــي الجنس : الجنسية : المزاج :
| موضوع: رد: { حـﮕـاية عشٍـٍق ●• مٍكتـٍُوبًهـِ و ًصًٍٍٍرٌنـِآ للٍُهْـوًىِ عًِنـٍوآنّ ~ الإثنين أغسطس 04, 2008 12:55 pm | |
| اشد مب موضوع ... بس تسلم على الموضوع ... | |
|
| |
ولـد راكـ
المدير العام
تاريخ التسجيل : 22/02/2008 2507 العمر : 30 الإقامة : بعد الصلاة الجنس : الجنسية : المزاج :
| موضوع: رد: { حـﮕـاية عشٍـٍق ●• مٍكتـٍُوبًهـِ و ًصًٍٍٍرٌنـِآ للٍُهْـوًىِ عًِنـٍوآنّ ~ الإثنين أغسطس 04, 2008 1:43 pm | |
| البـــآرت الثــــآني ..*
[center]اول شـى بعرفكمـ علـى عايلـة خليفـه
ابو خليفه : ريـال متوفي من قريب بسبة قلبه كان وايـد ضعيف و الفتـره الأخيـره وايـد تعـب بسبة الأهمـال محد كـان يهتم فيه ام خليفه : حرمه كبيره في السن .. تقـدرون تقولون عنها ام ويهيـن .. عند الحريم ما احلاها .. بس هي الصدق حقـوده وايد .. متسـلطه اسلـوبها وايد خايس .. و بخيلــــه وآيـد خليفه : عمره 26 طبعا عرفتـو شخصيتـه من خلال الجـزء .. واحد لعـاااب درجـه اولى .. قام يسكر الفتره الأخيـره .. شغـلته يقـص على بنات الناس ( المثال الأول ميثا ) .. و يشتغل موضف عادي ورآتبه زين يقـدرون يمشون حالهم فيه هند : عمرها 16 ثاني ثنوي - ادبي - .. هاي مظلـومه وايد .. زين منـها مستحمله هالعايله .. وايد مشددين عليها .. هي الي تغسل , تطبـخ , تنظـف و كل شغل البيت على راسـها ..
اهل خليفه ناس على قد حالهم ..
المـوهيمـ .. نرد للقصه ..
في بيــت خــليفه ~
ام خليفه : شـوف خـلوف اليوم المسا بنروح معا خالكـ علي بيت ام مـايد .. ياويلكـ ان فشلتنا هناكـ .. اصلاً زين منهم وافقو عليكـ ولا واحد سكير شو يبون فيكـ .. بس احمد ربكـ انته مايـدرون عن سوالفكـ.. خليفه : اووووهـ انتي كل يوم تعيدين هالأسطـوانه فهمت والله فهمت ام خليفه : زين زين فكنا .. اقولكـ روح ود هنـد السوق خلها تشتريلها لبسه تلبسها اليوم عن تفشلنـا اباها تكشخ يمكن حد من عيال ام مايد يعجـب فيهـا و يخطبها و تفكنـي منها .. هند الي كانت تسمعهم : يــالله يا امايه لهالدرجة انا مثقـله وعـله عليـج تبيـن الفكـه مني ..!! ام خليفه : اووه اسكتي اسكتـي عن تسويلـي فلـم هنـدي بعـد .. خليفه : يـالله هند بسـرعه اتـرياج في السيـاره .. هند : ان شاء الله .. الحين يايـه
فـي بيـت ابو مايـد.. ~ في غرفـة ميثـا
ميثا: سلامي ماعـرف شو البس !! .. شو احلى البـس تنـوره و قميص ولا المخـور ؟ قبل ماترد سلامي دخلت ام ميثا : ها ميثـا شو فيـج محتـشره ؟ ميثا : امـايـه شو البس ؟! المخـور ولا تنـوره و قميـص ام مايد : لا البسي المـخور احلى .. الا هـي عزيمـه بسيطه .. ميثا : هممم .. ها سلامـي شرايج انتي ؟ سلامي : انا رايي مـثـل عموه .. بيطلـع روعـه عليـج بالـذات لأنه هاللـون احسـه حلو عليج
راحت ميثا تلبس المخور .. الـي لونه عنـابي و ذهـبي و شكـله وايـد فخـم .. بعدين سلامي حطتلها ميكـ اب خفيف كانـت روعه و لبست الأكسسوريز ماليلها ..
سلامي : والله انج روعه .. دام هاي عزيمه و جي طالعه عيل الله يعين في العرس كيف .. اكيد بتقولين للقمر قوم خلني اقعد مكانكـ.. ميثا : احم احم .. اييـه استحيـــت ..
دخلت عليهم مريم ..
مريـم : الله الله عالقمر الي جدامي الرقم فديتـج ميثا : الله يقطـع سوالفج عنبو الرقم مره وحده شو واحد من الشبـاب انتي .. مريم و سلامي : ههههههههههه مريم : انزين ترا اهل المعـرس تحـت .. ميثا ( و هي شاقه الحلج ): قـولي والله ؟؟!! مريم : ليش بجذب عليج .. اخت المعرس تحت شكلهـا جي كبري سلامي : عيب عليـج ليش مـازقرتيها ..؟ مريم : مـااادري .. ساااااكته طول الوقـت استحيـت ارز ويهـي و ازقـرها.. ميثا : اونج عاد تستحين مـن متى .. مريم : بس هالفـتره بسـكت عنج عاد اونج عروس مانبا نزعلـج .. المهـم يالله يتريونج تحـت عشان تسلمين عليهـم ..
نزلن البنات تحت .. اول مادخـلت ميثا طبعا يلست ام خليفه تمدح فيها و يلستها عدالها..
خلصـت العزيمه على خير .. و كلـن راح بيتـــه ..
في الصاله ام مايد و ميثـا يسـولفن ..
ام مايد : ها ميثـا شـراج في عمتـج و بنتها ؟ ميثا : ياحليلـهم وايـد طيبـات و حبوبـات .. ام مايد : مادري بس انا مـن شفـت ويه ام خليفه مارتحتلهـا ميثا : ليش حرام وايد طيبه و يلسـت تمدح فيني محمد : هيــه اكيد الحين انتي مستانسـه اول مره حد يمدحج ميثا : حمود اسكت احسلكـ .. و بعـدين ليـش راز ويهكـ انجـلع ام مايد : محمد فديتكـ خل اختكـ و روح ارقد احسلكـ محمد : اووهوو حتى في الأجازه ترقدون الواحد بالغصب .. بروح عند مايد (( وراح عنهم )) ام مايد :خلي عنج محمد الحين .. المهم ميثاني مـن باجر تروحين تتشـرين اغراض العرس .. ميثا : ان شـاء الله .. ام مايد : هيــه صح ..اكيد عرفتي ان العرس بعـد شهر .. و هم يبون رايج اذا عادي عندج مايسون عرس بس حفلت الملجه و تروحين بيـت ريلج ؟ ميثا (منزله راسها هي فخاطرها تسوي عرس ماصار ولا استوى بس تعرف انه خليفه مايقدرعلى هالمصاريف): همممـ .. هيـه يا امايه عادي .. ام مايد : غريبـه انا اول مره اسمـع انه فـي بنات مايبـن يسـون عرس و لا يلبسـن فستـان ابيض .. ميثا : ههههه عاد شسوي انـا وحده من هالبنـات ..
و قطع كلامهم رنة تلفون ميثا .. ميثا : هالــوووهـ سلامي: ميثـووووهـ الحقي منصوور بيرد باجر الحمار توه قـالي .. والله اني مستانسه ميثا : والله !! زيـن زيـن .. سلامي بحزن : تـدرين ليـن الحين محد قاله انج انخطبتي و بتعرسين قريب .. والله حرام احس بينصدم ميثا : اااه شو نسوي بعد الله يصبره .. تصدقيـن احس اني نسيت شكله ولل من زماااان ماشفته سلامي : هيــه والله مايسوى علينا يدرس طب ميثا : هههه انزين اقولج باجر الساعه 11 تعالي بيتنـا سلامي : لا والله اشوف بس انا الي أي بيتكـم و انتي ماتين !!.. مايخصني باجر انتي تين ميثا : سلامي عن الأستهبال تعالي انتي عشان بنطلع بروح اتزهب حق العرس سلامي : هممم اوكـــي .. بس يوم بنخلص من المول بنرد بيتنا على طول ميثا : لا والله اروح بيتكم و اغراضي وين اوديهـم ان شاء الله سلامي : تستهبلين يعني مافيهـا شى بنخلي الدريول ينزلنا بيتنـا و بعديـن يـودي اغراج بيتكم يعني من بعـده بيتكـم الا فرة حصى ميثا : انزين انزين .. اقولج متى بيّ منصــور صرور ؟ سلامي : صرصـور بعينـج .. اظـن اظـن بيّ جي عالمـغرب ولا بعـد صلاة العشـا .. ميثا : اهـاا .. يـالله عيل بسكر عنج بروح ارقد عشان اقوم نشيطــه سلامي: هيـــــه حق الطلعات نشيطه اما اتذكر حق المدرسـه وكانو ساعه كامله يـدقون عليج الباب و انتي راقده لا و ساعات اتصيحين و تسويلهم مسرحيه عشان تغيبيــن ههههههههههه ميثا :هههههههه جــب جـب مايضحكـ سلامي : ههههههههااي عيل مايضحكـ شحـقه ظحكتي ميثا : سخيفــه سلامي .. يـالله باي
راحت ميثا غرفتهـا و لبسـت بيجـامتها و قـبل ماتـرقد يلست تفـكر في خليفـه و في علاقتهـم و كيف تعرفت عليه
[color=green][b] | |
|
| |
ولـد راكـ
المدير العام
تاريخ التسجيل : 22/02/2008 2507 العمر : 30 الإقامة : بعد الصلاة الجنس : الجنسية : المزاج :
| موضوع: رد: { حـﮕـاية عشٍـٍق ●• مٍكتـٍُوبًهـِ و ًصًٍٍٍرٌنـِآ للٍُهْـوًىِ عًِنـٍوآنّ ~ الإثنين أغسطس 04, 2008 1:45 pm | |
| - الجاسي كتب:
- اشد مب موضوع ...
بس تسلم على الموضوع ... الله يسلمك خيو هذا مب موضووع هذي قصهـ .... و تسلم على المرور الناآيس | |
|
| |
ولـد راكـ
المدير العام
تاريخ التسجيل : 22/02/2008 2507 العمر : 30 الإقامة : بعد الصلاة الجنس : الجنسية : المزاج :
| |
| |
ولـد راكـ
المدير العام
تاريخ التسجيل : 22/02/2008 2507 العمر : 30 الإقامة : بعد الصلاة الجنس : الجنسية : المزاج :
| موضوع: رد: { حـﮕـاية عشٍـٍق ●• مٍكتـٍُوبًهـِ و ًصًٍٍٍرٌنـِآ للٍُهْـوًىِ عًِنـٍوآنّ ~ الإثنين أغسطس 04, 2008 2:01 pm | |
| اسمحـولـي عالتـأخيـر البـــآرت الـرآبــــع ..
منصور : ميثـــــا ميثا شافتـه : هـلا ؟ منصور : وش لـــي غيـــر العــذاب بدنيتــــج !! ميثا ( نزلت راسها ) و طلعت من السياره و سكرت الباب بقو
~
مـر الوقت و ميثا خلصت من الصـالون طبعـاً انتـو تعرفون سوالف البنات مب لازم اتكلم .. وردت البيت مع الدريول .. و عالساعه 5 يتها راعية الصالون البيت تمكيجها و اتسويلها شـعرها ..
( ميثا كان فستـآنها بنفسجي و فيـه ذهبي . . مافي اكمـام الإيد و كـان حرير و فيـه ذيــل من ورا .. ومن صــوب الخصر في وآيد شغل كرستال و شكـ .. يعنــي كـان شـوي بسيـط بس طالـع عليهــا روعـه )
ميثا كانت يالسه في حجرتهـا و ويـاها راعية الصـالون يالسه تمكيجهـا .. دخـلو عليها سلامي و روضه و مريـوم
مريوم : يـــاويلي على ميثــاني قمــر والله .. سلامي : وينهــا امج خليهــا تقرا عليـج عن يحسدونج .. والله محلوه اليـوم بزياده ميثا : صــدق والله ؟ .. فديتكم والله عيـونكم الحلـوه روضه و هي تشـوفها من فوق لين تحت : مبروكـ يـــا ميثـا ميثا : الله يبـآرك فيج عقبـالـج راعية الصالون : يــالله خلصنا .. ولك يئبرني هالجمال ميثا كتيــر طالعه حلـوه اليـوم مريوم : أيــه قـولي مـاشـاءالله عن تحسدينهـا مافينـا بعد .. اصـلاً فديتهـا ميثـآني من بـونها حلـو بدون مكيـاج راعية الصالون : ههههه مـاشاء الله مـاشـاء الله . . ميثا : يالله فديتـج تسلميـن تعبتـج ويـايه .. تعرفيـن بعد فـي المكيـآج مايعيبنـي شـى راعية الصالون : ولـو الله يسلمكـ حبيبتـي .. يالله عـن اذنـكم ميثا : احس اني خـآيفه و فرحـآنه و مرتبكه مثل الوقت .. مريوم : خخخخ عــآدي عـآدي هـا طبيعـي اونه كل عروس يكون عندها هالأحساس الغريب سلامي : لــــــيش الأخت مجربه يعنــي ؟! مريوم : لا حشى عليه انا بعـنس مابتـزوج هب مثلكـن اتريا حـد يخطبني . .و عن الأحساس مادري دوم جي في الأفلام و المسلسلات و القصص جي تكـون العـروس في هـاليوم . . روضه : الا اقــــول ميثا غريبه يعني ماسويتي عرس كبيـر بس حفله بين الأهل و مالبستي فستان ابيض نفس اكـــثر البنات ميثا : عـآدي شـو فيهـا لو ماسويت عرس كبيـر .. انـا ماريـد ولا خليفه يبا فكيفـنا نـبا نسوي حفـله صغيره و نكتتب كتابنا و انتهت السالفه روضه : اهــــآآ . . و ويـن بتـروحـون شهـر العـسل ؟ ميثا : اوفف خليفه قـال بيسويلـي إيـآها مفـاجئه . .
و دخلت عليهم ام مايد وهي ماسكـه كتاب. .
ام مايـد و الدموع في عيـونها : يعلني مـآخلا منـج فديتــج يـآبنيتـي والله و كبرتـي و صرتـي عـروس وينكـ يا بـومـايد تعال و شوف بنتـك كيف غاديه قمر
ميثا و هي تلوي على امها و شوي بتصيح : امـــآآآيه فديتــــج اليـوم مانبا دموع لاتخليني اصيـح معـاج سلامي و مريـوم : لا لا لا كلــــه ولا دمــوع المكيـآج بيختــرب و المعـآزيـم مـاشـافوج الكــل : هههههههه ام مايد : يالله يا ميثـاني مسكـي القـلم و وقعـي هنـي ( و هي تـأشر لها عالمكان الي لازم توقع فيه )
ميثا و هي تحاول تمسك القلم بس ايدها ترتجف من هالقرار لأول مـره تحس انهـا بتنـدم و يا في بالها منصور سلامي : ميثــآني شفيــج حبيبتي وقعــي .. ولا ماتبيــن خليفه يعني .. قولي ترا اذا ماتبينـه كل شى بينتهي الحين ميثا و هي تتعوذ من ابليس : لا لا ابــآ خليفه . . و وقعــــت . . ام مـآيد : كلولولولولولولوولولولـــــــوش . . الـــف الــف مبروكـ فديتــــج
طبعـا الحريم الي تحت من سمعو ام مـآيد الكـل قام يزغرط وراها
نزلن البنـآت و ميثـا و امها تحت عنـد الحريم . . و ابتـدا الـرقص و الحشره و الأغـآني
و من بين هالأغـآني و الحشره عالساعه 11 قـالو ان المعرس بيدخل
ميثا : ســــــلامي لا مـآريده يدخـل استحي والله استحي بيشوفني و انا جي مش متستره وآيـد !! سلامي : يالله عـآد ميثوه عن الدلع و بعدين هو خلاص صار ريلـج يعني عــآدي شو مش متستره بعد ..يالله بروح البس عباتي
و دخل خليفه و معاه مايد و خـال ميثا ( ابو منصور ) و محـمد اخو ميثا . . و يوم وصلو عـند ميثا مايد لوا عليـها و حب رآسها : فديتــج والله طالعه اتجنين والله لو اني مش اخـوج جان خطفتـج اليـوم مبروكـ ميثا والدموع في عينها : الله يبـآرك فيكـ و عقبالكـ . . والله ميـود صح اني بروح عنكم بس اوعدني كل يـوم تـزورني خليفه : احم احم نحنــآ هنـااااا شو شـو كل يـوم تـزورنـي .. كانت عندكـم طول هالسنيـن و الحيـن اونكـم بتلـزقـون فيها اسمحـولي مابخليـكم تشوفونها شـهر كامل .. الكل : ههههههههههههههه
بين هالضحكـ و السوالف في شخص قآعـد و يشكي همومه و حزنه للبحـر و دموعه وسط خده .. طبعـا اكيد عرفتوه .. منصور قـآعد عالبحر و يصيـح على حبه .. و الي يشوف منصور يقول هـا كبـر 10 سنيـن
منصـور يالس يشـل بصوت مخنوق و يبيـن عليه التعب
" اه العنا بي طالي.. شايل هموم كبار أسهر وحيد لحالي .. كني غريب الدار عــزآهـ وآعــزآلـي .. ليت الزمن مـآجـآر قطع علي حبالي .. طير التلاقي طار والحق لو ينقالي .. زعلوا علي كثار ماهمني عذالي .. هم العرب الأخيار محد درى عن حالي .. كلي جروح غزار صابر على غربالي .. قلب العنـا صبـار أنشد عنك وأسالي .. وأتصع الأعذار أقول يمكن تالي .. يطفي لهيب النار ذكراك دوم قبالي .. محتار بك محتار إتهمني وتعنى لي .. مهما قست الأقدار ياحر حومك عالي .. ما تلحقك الأنظار غالي وتبقى غالي .. وكنز المحبة أسرار "
منصور : آآآهـ ربي يوفقج و يهنيـج يـآ ميثـا. . و رن تلفون منصور و كانت سلامه الي داقه
منصور : هـلا سلامه شي بغيتـي ؟ سلامه : منصور تعال خذنـا انا و امايه و مريوم نتريـآكـ نبـا حـد يوصلنا البيت منصو : وين ابويه ليش مش هو وصلكم ؟ تـرآه موجود سلامه : ههههه ابويـه رآح عنـا من قبل شوي منصور : سلااااامه ميثا راحت ؟ سلامه : لا بعد شوي بتروح دبي ويا ريلـها يالـسه تـودعهـم الحين منصور : آآخ دقـآيق و يـآي عندكم . . و سكـر في ويها
سلامه : عفان الله مايقول باي او معا السلامه .. ميثا : شفيـــج انتي سلامه : هـآ منصور اكلمه بند في ويهـي .. الحين ياي تريـي شوي لاتروحـين شكله يبـا يسلم عليج
ميثا ماتـكلمت و نزلت رآسها !
بعد دقايق وصل منصور و على طول دخل الصاله شافهم يالسين داخل و معاهم خليفه !
منصور : الســـلام عليكم مـايد : ويا ويهكـ يـالسخيف ليـش مـايييــت من زمان تـو الناس عقب ماراحو المعازيم انته تيـي !! منصور وهو يطالع ميثا الي كانت متغطـيه كامل بس عرفها على طول و حد مايعرف حبيبت عمـره .. و ماكاـن همـه لا ريلها و لا حد منصور : آآه اسمحلــي يـآخي كان عنـدي وآيــد اشغـال فمـآقدرت اييـكم .. و شاف خليفه : مبرووكـ أخ خـليفه خليفه : الله يبـآرك فيك .. عقبالكـ.. يالله عـآد اسمحولنا نحنا بنروح ورانا درب لدبي يالله ميثا قومـي ..
ميثا و خليفه سلمو عالكـل .. طبعا ام مايد و سلامه يلسن يصيـحن لأنـهن بيفــآرقن ميثــا ( خخخ لازم حـريم )
ومن وصلت ميثا عنـد منصور نزلت راسها
منصــور : آآه مــيــ.. ميــثا شحالـج ؟ ميثا و بعدها منزله راسها : الحمدالله بخير .. انته شحالكـ ؟ منصور و هو يوطي صوته عشان محد يسمعه غير ميثا : آآهـ يـآميثا اجذب عليج لو اقولج بخيـر .. متـألم وآيــد .. الله كريـم بس . . عالعمـوم مبـروك و الله يهنيــج علـى اختيـآرج و يـآرب يسعدج دنيـآ و آخرهـ . . و راح عنها صوب سيارته يتريـا امه و خواته
ميثـا و لأول مره تحس انها ندمـانه و تحس بذنب فضيـــع لأنها سببت تعـآسه و هدمت حياة انسان على حساب وناستها ..و نزلن دموعها و على طول مثتهن عشان محد يشوفهن .. خليفه : يــالله ميثا بتم وآيـد واقـف اتريـآج ليـن ماتركبيـن السياره ميثا : اوهـ أسفـــه مانتبـهت
و ركبت ميثـا السياره و هي تودع اغلى نـاسها و تـودع البيت الي عـآشت فيه طفولتها و احـلى ايامهـا . . و هي تتمنى من كل قلبها يكون اختيـآرها لخليفه صح و يعيشهـا بسعـاده مثل ما هـي تحلم
ستٍـٍـٍـٍـٍـٍـٍـٍوب ~
تــرقبـو البـآرت الخـآمس =) | |
|
| |
ولـد راكـ
المدير العام
تاريخ التسجيل : 22/02/2008 2507 العمر : 30 الإقامة : بعد الصلاة الجنس : الجنسية : المزاج :
| موضوع: رد: { حـﮕـاية عشٍـٍق ●• مٍكتـٍُوبًهـِ و ًصًٍٍٍرٌنـِآ للٍُهْـوًىِ عًِنـٍوآنّ ~ الإثنين أغسطس 04, 2008 2:17 pm | |
| البـــــآرت الخــآمس *و ركبت ميثـا السياره و هي تودع اغلى نـاسها و تـودع البيت الي عـآشت فيه طفولتها و احـلى ايامهـا . . و هي تتمنى من كل قلبها يكون اختيـآرها لخليفه صح و يعيشهـا بسعـاده مثل ما هـي تحلم
~
طـول الـطريق مـن بوظبـي ليــن دبـي و هم الأثنيـن ساكتيـن ..
ميثـــا غفت عيونهـآ من المـلل وهي حـآسهـ بتعـب من هاليـوم الي بالنسبه لهـا ماطـاع يخلـص .. و فجأه تحس بحـد يهزهــا قوي و يقـول : ميثــــووهـ قومي فكينا يالله انزلي و شلي شنطتج ..
ميثـا قامـت بـس بعدها مـش مستوعبه .. يـوم شـافت خليفه نزل عنها و هو شال شنطته بس قـالـت : شـــو ها من اولها معصب و مافيه خير يشـل شنطتيـه ..
نـزلت و شلت شنطتـها كانت وآيد ثقييـــله ( عـآد تعرفون الحريم مايخلون شى مايخذونه وياهم ) يلست تتـأأفف و تتحـرطم على خليفـه ماساعدها بشل شنطتهـا ..
و دخلو الأثنين شقتهـم و ميـثا بعدها مستغربـه من خليفـه انه مش يالس يتـكلم معاهـا ولا معبرنهـا ابـداً ..
دخـل خليفه الحمام و خذلهـا شـور عالسريـع .. اما ميثـا يلست تـرتب اغراضهـا و اغراض خليفـه
طلع خليفه من الحمام .. وهو يشـوف ميثا و قـال بصوت حاد : لــو سمحتــي خلي اغـراضي في مكانهم مـاباج تدخليـن فيهـم فـــآآآهمه ؟؟!!
ميثا انصدمت منـه و قالت : خليفه شفيكـ يعني شـو فيها لـو رتبت اغـرآضكـ !! ماعتقـد فيها شـى انــا و انت الحيــن .. ...
قطـع كـلامهـا خليفه و مسكها مـن ايـدها بقو : شـــوفي عاد فيهـا شـي ولا مـافيها انا قلتلج اغراضي مـايخصج فيهم فاهمه ولا لآآآآآ !! و كلام زآيـد ماريد اسمعه منــج ..
ميثا (حست انـه خليفه وآيد مبآلــغ في عصبيتـه ): الحيـــن انا شـو سـويتلكـ عشان تصارخ و تضاربنـي الحيـن هـا يـزآي اني رتبت اغراضكـ .. انته شفيكـ عليه
خليفه بصراخ : ميثـــــــــآآآآ جـــب !! انتي شـو ماتفهـميـن عـربي ولا شو سالفتـج يعنـي انا قلـت كلام زيـآدهـ مابا يالله انجلعـي من جدامي الحيـن و مــابا اسـمع منـج ولا كلمـه !!
و دزها بقــوه وراح صـوب الكرسي و طلـع زقـارته و يلـس يـدوخ
امـا ميثا من دزهـا خليفه طـاحت عـالأرض و تحاول ماتنـزل دموعـها و هـي منصـدمه من الخـاطر من خليفـه ماتـوقعتـه جـي
قامت ميثـا من الأرض وراحت صوب الحمـام عشان تتسبـح و تحاول تهـدي نفسها و تريـح اعصابهـا ..
و تسبحـت عالسريـع وراحـت صوب الشنطه الي كانـت في الحمـام و يلست ادورلها قميـص نوم بس مـالقت ..
الي لقته بيجـامه البنطلون لونه ازرق و قميص أيـده طويله لونه ابيـض وعلـيه رسمت خروف كبيـــر كانت وايد كيوت البيجاما .. و شافت ورقـه متعلقـه بالبيــجاما
فتحتها و كان مكتـوب علـيها..((هههه نتخيــل شكلج و انتي لابسه جي بـأول ليلة العرس..مـآعليـه ميثاني تكبرين و تنسيـن.." سلامي و مريـوم "))
ضحكت من خـآطرهــا علي خبـآلهـم .. و قـالت في خاطرهـا انـا ارويكـن يـالسخيفــآت !! ..
لبـست البيجاما و عـدلت شعرها عالسـريع و تخيلـت شكل خليفـه قـالت في خاطرهـا اكيـد بيضـحكـ عليـه و بيـلس يطــنز يتـحراني يـاهـل
طلعت ميثـا من الحمـآم و شافت خليفـه يالس عالكرسي و بـعده يـدوخ زقاره و يتكلم في التلفون ..
ميثا : خليــفه انتـه من متـى ادوخ زقــ ..
قطـع كلامهـا خليفه يشوفها من فوق لـين تحت و في خاطره يضحكـ عليهـا : اشششش .. هـى لا لا معـآج .. خليها تولـي .. و انا كـم منــول عنـدي .. انزيـن متـى .. ؟.. اوكي ماعليـه يـوم برد من هالعـله على طول بّي عنـدج.. في شقـة جسوم كل عــآدهـ .. ههههههههه
ميثـا ماقـدرت تستحمـل يلست تشـوف خليفـه وتصيـح من القـهر الـي فيهــا .. و راحت صـوبه و سحبـت موبايـله و سكرت في ويــه منـال و فـرته عــالأرض
خليـــفه انصدم من حركتها و طبعـاً عصب و طلع كل غيضه على ميثـا .. مسكها من شعرها بقـو
و قــال : انتـــي كيـــف اتجـرأتـي و جي سـويتـــي .. والله بتنـدميـن على هالحركه البايخه الي سويتيهــا .. و يلس يضربهـا و فراهـا عالكرسـي بقـو .. " و مشا عنها راح صـوب الغرفه و رقد "
اما ميثا يلست اتصيـــح مثل صيـآح اليـآهل الـي مضيــع امه . .
ميثــا : آآآآهــ انا انا انخـــدعت فييـــــكـ يـآ خليفه طلعـت جــذآآب.. دآم انـه جـي يقـص علـي و على بنـآت النـاس ليــش تزوجنـي ..!!!! انا دوم جـــي حظـي .. انا مستحيــــل اقعـد مع هـالشخـص بعـد الـي عـرفته انــه خـآين و جـذآب ونـذل و هـآ من اول ليلـه ضـربني و كفخـنـي عـيل لـو كمـلت معـآه اسبـوع شو بيسـويـلي اظـن بيدفنــي و انـا حيــه !!
و علــى هـالحـآل رقدت ميثـا عالكـرسي . .
فـــي اليـوم الثـآنـي قـآمت ميثـآ الساعه 10 و حآسهـ راسها يعـورهـآ استغربـت من المكـآن ..
و يلست تذكـر احداث امس معـا خليفـه و شافت تلفـون خليفه بـعده موجـود عالأرض عيـونهـآ دمعت و على طـول مثتهـن بالــقـو ..
قامت و رآحـت الحمـام تغسلت و لبست تنوره سـوده و قمـيص احمر قطعـة دانتيـل و القميـص نص كـوم و رفعـت شعرها ولمـته بشباصه ســوده ..
شافـت ويهها في المنظـره شافــت أثـآر ظرب خليـفه كـان خفيــف بس يبيـن و قالت في خاطرها
(( هب انته يا خليفه الي تظربني والله لا ارويكـ ))
طلعـت من الحمـام و راحت صوب الغـرفه .. دخلت شوي شـوي عشـان خليفـه مايقـوم شافتـه لقتـه غـآرق في النـوم
راحت صوب شنطتها و طلـعت علبة مكيـاجهـآ و قبل ما تطلـع من الغرفه يتها فكره
قالت في خاطرها (( مـآعليه انته تتهنـى برقـآدكـ و انا يالسه في الصاله اصيح من العوآر و القهر))
رآحت صـوب الستـآره فتحتهـا كلها دخلت اشعت الشمس الغـرفه و نـورتها و سكـرت المكيف و طلعت من الغـرفه و سكرت الباب بالقــو عشان يقـوم خليفـه
ميثا تسمع صرآخ خليفه و هو يتحرطم و قـآلت: ههههههههه تتحرآني بخاف من صريخكـ شو بتسوي يعني بتظربنـي ..هب انته الي تظرب ميثــا بنت سلطان !!
و ركضت صـوب الحمام لأنه شآفـت خليفـه فتـح باب الغـرفه و هو معصـب و ياي صوبها
وصلت ميثا الحمام و بأيـدها علبة مكياجها دخلـت الحمام و قفلـت الباب وهي تنافخ و تتنـفس سريع الي يشوفها يقــول رآكضـه مـن بوظبي ليـن دبي
خليفه و هو معصب حيل من ميثــا : فجي البــــآب والله لأرويـج عيل انا الي تسويـن فيه هالحركآت السخيفه الي يشوفج يقول يآهل توها بتروح الروضـه
ميثا و هي مطلعه لسآنها و كأنـه خليفه يشوفها : مــآبا افتح .. منو تتحـرآ عمركـ كل ما عصبت بـتمد ايدكـ عليه .. لعلمكـ ترآها هب رجوله ابداً تمد ايدكـ على الحـريم !!
خليفه و هو عصب زيـآدهـ ودق الباب بالقـو : افتــــحي البـآب بـالطيــــــــب !! .. ولا والله لأرويـج شى مـآشفتيـه في حيـآتـج .. ها يـا ميثـووه انا يالسلج يلسـه ويـن بتروحيـن مـآردج بتفتحيـن الباب ..
ميثــا هي يالسه تتمكيـج وتـغني بصوت عالي تغايـض خليفـه : ابيه يدري اني صرت اقوى وعلى نفسي قدرت اقوى تعديته ســـطر في كتاب هذاكـ الخاين الكـذاب !!
تريــت كمن دقيقـه بس ماسمعت صوت خليفه ولا أي دق عالباب .. خلصت مكياجهـا و فتحت الباب شوي شوي و طلــعت
استغربت مافي ولا صوت يلست ادور فـي الشقه تأكـدت انـه خليفه محد .. شافت الساعـه لقتها 12 و نص .. حسـت بطنـها يعــورها من اليوع .. راحت صـوب المطبخ فجت الثـلآجه مالقت شـى تاكله او تشربه .. سكرت باب الثلاجه بالقو
ميثا : اوووففففف !! شو هالحاله انـا يوعــآنه و خليفه محـد وشكله مابيــرد الحين ابا اكل شـى .. بتريـا ساعه وحـده اذا خليفه مانزل بنـزل تحت اكيـد شى في الفندق مطـعم ..
رآحت صوب التلفزيـون .. يلسـت تشوف افلام و مسلسلات و ماحست بالوقت لين صارت الساعه 2
شهقت و قالت : شــو هـآ يبا يموتني من اليوع .. من متى و هـو محد .. ماعليـه منـه بطلـع بروحـي مافيها شى ..
رآحت صوب الغرفه شلت شنطتها و لبست عبـآيتهـا و شيلتهـا ورآحت صوب البـاب حاولت تفتـحه لقتـه مقفـول دورت المفتـاح ماحصــلت
صرخت وقالت : قــافـــل البــآب بعــــد !!!
مسكت تلفونهـا و دقتـله .. كـآن مغلق .. عصبـــــت و رآحت الغرفه و انسدحت عالشبريه و هـي تـأفف و تتحرطم ..
سمعت تلفونها يـرن شافت سلامي متصله ~
ميثــآ : سـلآآآآآآآآمي لحقي عليـّـــــــا !! " وبـدت تصيــح " سلامي بخــوف : غنـــآتي ميثـآني شـو فيـــــج ليش تصيـحيــــن شو صـآير !!! ميثـا و هي تشـاهق و تصيـح كـان كلامهـا هب مفـهوم : خلــ خلييفهــ .. اهـــئ اهـــئ .. هــ .. طلـــ ـ ـ ـعــ ... سلآمي : ميثـــآ خليفـه صـآرله شـى ؟ شـو فيهــ .. هـدي عمـرج عشآن افهمج .. !
ميثـــآ تصيــــح ..
و بعدين صـآرخت : ســلآمي خليفـه طلــع جـذآب و قـص عليـهـ خليفه مـآيحبنـي و طلع يرمس بنـآت غيري و يتـوآعد ويـآهـم في الشـقق .. و ضـربنـي قـوي وعلمـآت ضـربآته علي ويههي بعدهـمـ .. تخيـلي انا عـروس و في ليلة عرسـي جـي يصيـرلي و الحـين الشـيخ طلـع من الصبح و انـا قافـل عليه باب الشـقه و مخليني على لحـم بطـني من امـس !! ســلآمي تعـآلي دبي والله اني محتآجتلج
سـلآمي منصدمـه من الكلام : الـ**** !! انا قايلتــج تحـملي من هالخليفـه شفتـي كيـف طلع تحملي حبيبتـي الا هـم كم يـوم و بتيـن بوظبي و بـتردين بيـت ابوج ميثا : ماتحـمل يا سـلامي والله ماتحمـل تعـالي خـذيينـي من هنـي الله يخليـــج سلامي : ميثآنـي عن الغبـآء كيـف اخـذج من هنـي !! ميثا : آآهـ .. ســلامي لاتخبـريـن أي حـد عن الـي قلتـه لج سلامي : ليـــش لازم يعـرفون عشآن يتصرفـون مـع الحقيـر خليفـه ميثا : ادري لازم يتصـرفـون معـاه بس يــوم بـرد يصيـر خيـر
و فجـاءه سمعت صوت الباب ينفتح
ميثا : سلامي .. خليـفه وصل بكلمـج بعدين يـالله بـآي و سلمي علـى الكل ..
قامت مــيثا من الشبريـه و قبل ماتفتـح الباب خليفـه دخل عليها الغرفه
خليفه : هــآ مدآم على ويـن .. اشوفـج لابسه عبـآتج وين رآيحه ؟ ميثا : يعني عن الأستهبال قافـل الباب وانـا من متى اترياكـ تـيّ الشقـه عشان اطلعني .. ترآني بموت من اليوع خليفه : همممــ .. مشكلتج .. يعلـج تموت من اليـوع انا شو يخصني .. ابا ارقـــــــد "
و رآح انسدح عالشبريه "
ميثا و شوي بتصيح : حـرآآآم عليكـ شو انتـه مـآفي في قلبكـ رحمه .. انا شو سويتـلكـ عشان جي تسوي فيـه .. شوف الساعه الحين 4 وانا لا متـريقه ولا متغديـه .. انا شـو سويتلكـ عشان جـي تسوي معـآي ..
خليفه : شـوفي اولاً انا مافيـه اوديـج .. و ثـآنياً مش لازم تـآكليـن .. ولا تفكـرين تطلعيـن بروحج.. !! ايلسي تريني لين مـا ارقد و اقوم و الساعه جي 8 تقريبـاً بـوديـج عشـآن تـآكليـن
ميثا بدت تعلي صوتهـآ : انتـــهـ مش على كيفكـ تيلس تتحكم فيـه انـا بطلــع و الحيـن .. عنبـو شـو ها امحق شهر عسـل !! .. حابسني جنــي عنـزه عندكـ .. انا ماعليّــه منكـ الحيـن بطلـع و الي تقدر تسوي سـوه ..
وقبل مآتطلـع مـن الغرفـه خليفه سحـبها مـن شعرهـا و عطاهـا كــــف من الخـآطر
خليفه : لســآنج الطـويل يبـــآله قص .. هب انـا يا حلوهـ تستقــوين عليـــه .. و طلعه من هني مابتطلعيـن " و هـزها من كتفهـا وصـرخ في ويههــا " فـــــــــــــــــآهمه !!!!؟؟ | |
|
| |
ولـد راكـ
المدير العام
تاريخ التسجيل : 22/02/2008 2507 العمر : 30 الإقامة : بعد الصلاة الجنس : الجنسية : المزاج :
| موضوع: رد: { حـﮕـاية عشٍـٍق ●• مٍكتـٍُوبًهـِ و ًصًٍٍٍرٌنـِآ للٍُهْـوًىِ عًِنـٍوآنّ ~ الإثنين أغسطس 04, 2008 2:38 pm | |
| البـــــآرت الســـآدس *قبل مآتطلـع مـن الغرفـه خليفه سحـبها مـن شعرهـا و عطاهـا كــــف من الخـآطر
خليفه : لســآنج الطـويل يبـــآله قص .. هب انـا يا حلوهـ تستقــوين عليـــه .. و طلعه من هني مابتطلعيـن " و هـزها من كتفهـا وصـرخ في ويههــا " فـــــــــــــــــآهمه !!!!؟؟
~
ميثـا و هي تصيح من معاملـت خليفـه لها حست انه وآيد يبـآلغ في عصبيته : متـى بنرد بوظبــــي ؟! خليفه و هو رآيح يرقـد : بآجر .. سكري الليـت و طلعي برع .. هـا يا ميثا ترآني حـذرتج و بحذرج مره ثانيه .. ياويـلج ان طلعتــي بروحج و انا مادري ..
ميثـا سوتله طــاف و سكرت الليت و طلعت من الغرفه .. و تقــول في خاطرها (( ماعليّه منك تتحرآ صفعاتكـ و ضرباتكـ بيأثرون فيني .. والله عنـآد فيـكـ الحين نآزله تحت و بآكل و بشبع و بتحوطـ و برد .. يتحرآني خايفه منه ))
رآحت صوب البـاب و طلعت من الشقه ..نزلت تحت شآفت كـوفي يلست فيـه و طلبت كل الـي في خاطرها و هي مستانسه و كـأنها انتصرت على خليفـه ..
بعد ماكـلت يلست تتمشى في الفندق وشآفت الساعه 7 و شي قـآلت بتـآخذ تكسي و بتروح أي مول قريب منهم .. بعـدين تذكرت ضرب خليفه و تهديدآتهـ و لأول مره تحس بخــوف منه .. قالت مافيه عالمشآكل و حشرته برد الشقــه احسن ..
وصلت الشقه و هـي خآيفه و تـدعي في خاطرهـا خليفـه يكون رآقـد .. دخلت الشقه و على طـول عقت عبآيتهـا و شيلتها و رآحـت صـوب الـغرفه فتحت الباب شافت خليفه رآقد استانسـت في خاطرها و قالت حـمدالله مايدري اني طلعت ..
قربت ميــثا لين وصلت عند خليـفه وهـو رآقد .. يلست عالأرض و تأملت ويـه خليفـه و قـالت
(( حسـآفهـ كل الأيـآم الي ضيعتها في حبكـ يآخليفه .. كرهتكـ من بعد مآ كنت احبكـ .. الله يصبرني !! مستحيل اكمل حيآتي معاكـ .. آآهـ يآمنصور توني عرفت قدركـ توني حسيت بقيمتكـ .. لو الحين انا ماخذت خليفـه يمكن كنت اتزوج منصـور و احبه و اعيش حيآه سعيـده معآهـ ))
و فجـأه قام خليفه و هو مستغرب ولأول مره يحـس ميثا قريبـه منه شآفها بنظره وقآل : شفيـــــج جي اطالعيـني ؟!
ميثا قآمت وهي متفشله و تقول في خاطرها الحين ها بيتحرآني ميته عليـه وقـآلت : هآ ماشى ..
قآم خليفه وراح الحمام يتغسل و يتلبس .. اما ميـثا راحت الصاله و فجـت التلفـزيون و يلست اتشوف فلم اجنبي ..
طلع خليفه من الحمام وراح يلس عـدآل ميثا و كـان يشوفها
ميثا : خيـــر.. شفيكـ اطالعـني ؟! خليفه : كيفي حـرمتيه ويالس اشـوفها مافيهــا شى ميثا : لا فيهـآ شى .. اصـلاً خلاص من نـرد بوظبي كل شى بينتهـي من بينـا .. انا مستحيل اعيش معاكـ تفهم شو يعني مستحيـــــــــل ! خليفه و هو بـداء يتنـرفز : هي هي هي انتــــي هب ع كيفـج !! اونه قالت كل شى بينتهــي .. انا ماخذتـج عشان اطلقـج من بعــد زوآجنـآ بثــلآثة أيــآم .. !! ميثا : هــآ عيل خذتنـي عشـآن تضربنـي و تكفخني و تيلــس تتـأمر عليّـه !! خليفه و هو قرب منهـآ و مسكـ كتفهـا بالقــو وقال : شـوفي ميثـــآ كلمه زيــآده مابا اسمع .. انا مـزآجي الحيـن زيــن مـآريد اعكره على سخـآفتـج ..
ميــثا سكتت عنــه مـآتريد تتضـآرب معـآه ولفت صوب التلفزيون ..
خليفه : طلعتــــــي مكــــآن و انا رآقـد ؟!! ميثا توترت و تقول في خاطرها ليكون عرف هاليني : هـآ .. لا مـ ـ ـمــآطلعت مكـآآآآن .. ليش تسـ ـ ــأأأل ؟ خليفه : انزيــــن ليش متـوتـره !!! ميثا " زآآد توترهـآ " : هـــآ .. لا لا منـ ـ ـوقـآأأأل اني متـوتـره .. و بعـديـن ليـش بتـوتر ! خليفه : مـآدري عنـج شـوفي عمـرج كيف يـآلسه تتكلميـن .. المهم مـآعلينـآ .. مـآتبين تتعشيـــن ؟ ميثا تقول في خاطرهـآ " اكل بعد زيآده بنبط من الأكل " : تو النـآس مـآبـا شكــــراً .. شبعـت خليفه و هو شـآكـ فيها : شـــــو شبعتـــــــي ؟! شـو كلتـي مـآفي اكـل هني .. يعنــــي طلعتـي صــح .. ميثا قامت من مكـآنها : لااا مـآطلعت بعديــن ويـآك قلتلكـ مـآطلعت مكـــــآآآآن .. و شبعت بس جي .. انـسدت نفسـي خليفه وهو مو مقتنــع باللي قالتـه ميثا : هيـــــهـ منسده نفسج .. كيفـج والله .. احسن بتـوفـرين عليّـه .. انا طالـع لا تترينـي لأنـي بتـأخر ميثا و هي اطالعه بأحتقار : اصلاً منو قـال بيلس اتريآكـ .. ماعندي سالفه .. المهـم بآجر أي وقت بنرد بوظبي ؟ خليفه وهو حاس بفشيله : جــب جــب .. هممــ الصبح جي السآعه 11 ميثا وهي قآيمه رآيحـه صوب الغرفه : يــــالله واخيراً بفتكـ منكـ ..
خليفه كان بيرد عليها بس منـآل دقتـله
خليفه : هـــلآ والله بـالغـلآ كله .. منال : اهليــن حبيبي .. وينــك انا اتـريآكـ تحت في الفندق ؟ خليفه : يــالله الحيــن انا نـآزل ثوآني و اكون عندج
كانت تسمع خليفه وهـو يكلم مـنآل مآحست بالغيـره بس انقهـرت و حست عمرها غبيــه لأنهـا صدقت كل كلآم و غزل خليفه ..
طلعت من الغرفه لـقت خليفه محد .. قالت في خاطرهـا ~ هيــهـ اكيد رآح عند حبيبتـه منـآلو ..
قآلت في خآطرهــآ .. (( خليفه محد و قـآلي انه يبتـأخر يعني اكيـد بيرد السآعه 12 او شى جي .. و الحين الساعه 7 بروح مول الأمارت الحين بخلي أي تكسي يـوصلني بتحوط و بتشـرى و برد و مابيعرف خليفه ))
استــآنست و رآحت الغرفه بدلت لبسها و يلسـت تتكشـخ و حطتلها ميكـ اب و لبست عبآيتها و شيلتها وخذت شنطتهـا ..
طلعت من الشقه و من الفندق بكبـره و وقفتلها تكسي و رآحت صـــــوب مول الأمارآت ..
نروح عنــــد بيت بو منصور ~
في الصــآلهـ .. كـآن الكـل متيمع عالعشـآ هنـآكـ ..
" بو منصور , ام منصور , منصور , سلآمي , مريوم , رآشد , ام مآيد , مآيد , محمد "
سـلآمي : هيــهـ صـح نسيت اقوللكـم ميثـآ تسلم عليكم وآيد الكـل : الله يسلمهــآ محمد : الدبــه ميثـو و كـأنهـا ماصـدقت تتــزوج و تـروح عنـآ عنبو مـآدقتلنـا !! مريوم : انتــه الدب .. كيفهـآ البنيـه فـي شهر عسلها تبـآ تستـآنس ويا ريلها .. عنبـو حتى في شهرعسلها مآتخلونها على رآحتها .. ام مآيد : هههه .. سـلامـي شو قالتلـج ميثــآ .. ان شـآء الله مستـآنسه ويـا ريلها ؟ سلامي : هــآ .. اهـ .. هيــهـ هيـه مستـآنسه وآيــــــد مآتوقعت يكـون خليفه جي وآيــد مستـآنسها معآه ..الحمدالله .. الكل - معآده منصور - : الله يسعــــدها ..
منصور مـآستحمل هالـكلآم و قـآم على طول رآح غرفتـه .. الكل استغرب .. الا سلامي و مريـوم لأنهـم يعــرفون عن حبـه لميثا ..
مايد : شفيـــــه منصور احسه مش طبيعــي اليوم ؟ ام منصور و هي حزينه على حـال ولدها : اليــوم بس .. لآ صـآرله فتره و هو على هالحال مش طبيعـي مـآدري شو فــيه هـالولد مـايطيـع يخـبرني .. سلامي : خلــو على رآحته .. بو مايد : شو نخليـــه علـى رآحته الولـد بيضـيع منـه لا يـآكل ولا يشرب ولا يطلـع من البيـت حتى شغلـه مـآخذ منـه اجـآزه و كل يالس في غرفته و اذا يلس ويـآنه يتـم سآكت ولا يتكلم ولا يضحكـ .. و انتي تقولـين خلـوه على رآحته ..
مايد : عـن اذنكم انا بروح بيلس ويآه بحاول اعرف شو فيه هالولد ام منصور : زين تسوي يـآ مـآيد .. و فهمـه الـي قـآعـد يسويه غلـط و من هالـكلام مايد : ان شـآء الله ..
مريوم تصآصر سلامي : سلامي تتـوقعيـن منصـور بيقـول حق مـآيد الصدق ؟ سلامي : مــآدري .. بس اتـوقع لا .. ماظن يخبره ..
عنـد مـآيد دق بـآب غرفت منصور .. بس منصور مآرد عليه ..
مايد : منصــــــور .. منصـــور افتـــح .. منصـــــــور !!
منصـور فتـح البـآب : شفيـكـ تصـآرخ انتهـ ؟ مايد : لا والله .. تشوف عمـركـ مـآتفتح البـآب !! منصور : سوري مـآنتبهت .. ادخل ~
مايد و هو يـآلس عالكرسي : هممـ .. انزيـن ممكن الـدكتور منصور يقـوللنـآ شـوفيــه هـالأيـآم متغيــر ؟ منصور و هـو وآقـف صـوب الـدريشه و يشوف برع : مــآشى مـآفينــي شـى انتـو شـوفيكمـ الكل من صـوب يالس يسأل !!
مايد : انزيـــن ليش معصب انا مـآقـلت شـى .. والله انهـ نحنـآ كلنـآ خايفيـن عليكـ .. تـرآ الـي تسـوي كلهـ غلـط .. حرآم عليكـ شـوف امكـ كيف تحـآتيكـ و ابوكـ .. حتـى خوآتكـ .. !! شو فيكـ قـولي يمكن اقـدر اسآعدكـ ..
منصور : آآهـ والله مـو بـأيدي ..مـآروم اقولكـ .. حتى لو قلتلكـ مـآعتقد تقدر اتسـآعدنـي يـآ مايد .. مايد : اوكــي خـلآص عيـل برآحتكـ .. بس صدقني يـآ منصور ان بغيـت أي شـى ترآني في الخدمه .. منصور : مــآتقصر يـآ مـــآيد .. مايد : لا تتحـرآني بخليكـ .. تعآل بنطلـع بنـروح مرينـآ مول .. منصور : اسمحلي يـآخي مـآفيه اروح اصـلاً الوقت متـأخر الساعه الحـين 10 ونص مـآفينــآ مايد : اوفف .. بعديـــن ويـآكـ .. اوكـي مـو مشكله بنـروح عند سيف ترآ اليـوم مجتمعيـن الشباب في ميلس سيف .. يـآخـي غيـر جـو و انسى همومكـ و فرهمـ ورآ ظهركـ !! منصور : اوكــي خـــلآص .. ممكـن تطلع بـرآ ابا اغيـر لبسي مايد : اوكــــي يـالله انا اتريـآك تحت ..
راح مايــد عنـدهمـ ..
ام منصور : هـآ يـآ مايد .. كلمته .. شو فيــه ؟ مايد : كلمتـه بس مـآقالـي شو فيـه ..خلوه على رآحته .. نحنـآ بنروح عند سيف الحين .. سلامي : هيـه احسن طلعه هنـآكـ عند الشبآب اكيـد بيـونسـونه .. ام مايد : محمد عيل دق عـالـدريول خله ايّي الحين .. مريوم : لا خـآلو تـو النـآس السهره صبـآحي تمي ويـآنه .. ام مايد : ويـــه خلينـآ السهـرآت حقكمـ .. نحنـآ من قـوم الي يرقدون السآعه 10 واذا كثرنا الساعه 11 ..
منصور دخل عليهم : هـآ مـآيد اشوفكـ يـآلس شو هـونت مـآتبا تروح مايد : لا يـآخـي عـآد انته تبـا الدقه عشآن ماتروح .. انزيـن بسيـآرتيه ولا بسيـآرتكـ منصور : هممــ .. نـروح بسيـآرتكـ مـآفيه اسوق .. بو منصور : اشـوفك شيبـت يـآ منصور كل شـوي و قلتلنـا مـآفيه .. منصور : ههه لا مش جي سالفه .. مـآحـب اسـوق الفليل ..يــالله قوم مـآيد
طلعو مـآيد و منصور بيت ربيعهـم سيف .. و مـآيد طول الطريق يحـآول يطلع منصور من جو الحزن الي فيه .. بس الحــمدالله قـدر يونس عـمره عند الشباب
نـــروح عنـــد ميثـآ ~
كـآنت هالفتـره في المـول تتشـرى و تتمشــى .. لين السـآعه 10 .. ردت الفنـدق .. وهي كـل عاده تـدعي في قلبـها انـه خليفه بعــده مآرد دخلت الشقه و هي فأيدهـا كمن كيــس كآنت رايحـه صـوب الغرفه ادس اكياسها في الشنطـه قبل مايرجـع خليفه ..
وقبل مآتقتـح بـآب الغرفه سمعت صـوت شخص تمنـت في خاطرها يكــون يتهيألهــا ..
خليفه : ميثـــــــــــــآآآآآآآآآ ؟!! ستــــــ STOPـــــــب اتــريـــآ ردودكــمـ .. و تعــليقــآتكمــ علــى هالبــآرت ~ | |
|
| |
ولـد راكـ
المدير العام
تاريخ التسجيل : 22/02/2008 2507 العمر : 30 الإقامة : بعد الصلاة الجنس : الجنسية : المزاج :
| موضوع: رد: { حـﮕـاية عشٍـٍق ●• مٍكتـٍُوبًهـِ و ًصًٍٍٍرٌنـِآ للٍُهْـوًىِ عًِنـٍوآنّ ~ الإثنين أغسطس 04, 2008 2:39 pm | |
| يلا يلا بس ابغي ردود .. هع هع | |
|
| |
عاشق الاخضر
قمر مشارك
تاريخ التسجيل : 26/02/2008 349 العمر : 31 الجنس : الجنسية : المزاج :
| موضوع: رد: { حـﮕـاية عشٍـٍق ●• مٍكتـٍُوبًهـِ و ًصًٍٍٍرٌنـِآ للٍُهْـوًىِ عًِنـٍوآنّ ~ الثلاثاء أغسطس 12, 2008 10:11 am | |
| تسلم اخوي ع القصه رووووعه القصه | |
|
| |
ولـد راكـ
المدير العام
تاريخ التسجيل : 22/02/2008 2507 العمر : 30 الإقامة : بعد الصلاة الجنس : الجنسية : المزاج :
| موضوع: رد: { حـﮕـاية عشٍـٍق ●• مٍكتـٍُوبًهـِ و ًصًٍٍٍرٌنـِآ للٍُهْـوًىِ عًِنـٍوآنّ ~ الثلاثاء أغسطس 12, 2008 10:13 am | |
| الله يسلمك خيو ..
و تسلم على المرور الناآيس
و ربي يعطيك العافيهـ | |
|
| |
| { حـﮕـاية عشٍـٍق ●• مٍكتـٍُوبًهـِ و ًصًٍٍٍرٌنـِآ للٍُهْـوًىِ عًِنـٍوآنّ ~ | |
|